ஒரு டீக்கடை சோற்றுக்கடை ஆகுமா? புராணத்தில் இடம் பெறுமளவிற்கு என்ன சிறப்பு?
சேரன்மகாதேவியில் பாபநாசம் சாலையில் அமைந்துள்ள ஒரு கீற்றுக் கொட்டகையில் அமைந்துள்ள சிறு தேநீர் நிலையம். இந்தக் கடையைக் குறித்து நான் இவ்வழி செல்லும் எங்கள் உறவினர்கள் , நண்பர்கள் எனப் பலரிடமும் கூறியுள்ளேன்.
மதியம் 1:30க்கு இங்கு சென்றால் அன்றன்று செய்யப்பட்ட மிகவும் மிருதுவான பன் வகைகள் கிடைக்கும்.
இதற்கு எங்கள் வீட்டிலும் சுற்றத்திலும் அடிமைகள் பலருண்டு. இந்தக் கடையைக் கண்டெடுத்த கதை வேறுண்டு, மதியம் 1:30க்கு சேரன்மகாதேவியில் சூடான கேரட் அல்வா கிடைக்கும் என்று சென்ற வழியில் கண்டெடுத்த தனி முத்து தான் சத்யா டீ ஸ்டால். இங்குள்ள தேங்காய் துருவல் சேர்த்து தரும் பட்டர் பன் தனிச்சுவை உடையது, மிகச் சிறிய அளவில் மட்டுமே செய்யப்படுவதால் சீக்கிரம் தீர்ந்து விடும். அதனால் நேரத்துக்கு செல்லும் வழக்கமும் உண்டு.
தேடிப்போன கேரட் அல்வாவை சூடாக சுவைக்க இதே நேரத்தில் இவர்கள் கடைக்கு எதிரில் இருக்கும் சத்யா ஸ்வீட் ஸ்டாலில் வாங்கிக் கொள்ளலாம்! சுவைமிகு உணவு, அது சமயம் தரமான ஒன்றுங்கூட....
- கோமதி சங்கர் சுந்தரம்
%20(12).jpeg)